Jetisý oblysynda qyzylsha juqtyrý deregi azaıdy

Jetisý oblysy boıynsha juqpaly derttiń taralýy turaqtylyq tendentsııasyna jetti, dep habarlaıdy Kazinform.

Oblys epıdemıologtarynyń málimetinshe, qazir óńirdegi jaǵdaıdy qalypty dep baǵalaýǵa bolady. Derek boıynsha óńirde qyzylsha juqtyrǵan 593 naýqas bar. Ázirge Taldyqorǵan qalasy men Alakól, Panfılov aýdandaryndaǵy jaǵdaı kúrdeli bolǵanymen, basqa aımaqtardaǵy ahýal turaqtanǵan. 

Sondaı-aq oblysta qyzylshaǵa qarsy ekpe salý jumysy da qarqyndy júrip jatyr. Vaktsına alýǵa tıisti turǵyndardyń 77,6 paıyzy ekpemen qamtylǵan. 

«Qosymsha jappaı ımmýndaý jumystary oblysta 27 qarashadan bastap júrgizilýde. Atap aıtsaq, 41 034 adam qamtyldy. Onyń ishinde 6-10 aıdaǵy 3 924 bala, 2-4 jastaǵy 27 893 bala jáne 3 577 medıtsına qyzmetkeri bar. Sondaı-aq 18 jasqa deıingi 5 640 jasóspirim ekpe aldy», - deıdi Jetisý oblysy sanıtarııalyq-epıdemııalogııalyq baqylaý departamentiniń basshysy Ashat Charapıev.