Jetisý oblysynda kásiporyndar sóz baılasyp, baǵa usynystarynyń qalypasýyna yqpal etken
ASTANA. KAZINFORM - Jetisý oblysy jáne Almaty qalasy boıynsha Básekelestikti qorǵaý jáne damytý departamentteri avtomobıl joldaryn jóndeý boıynsha memlekettik satyp alýlar salasynda birlesken tergep-tekserýdi aıaqtady.
QR QR Básekelestikti qorǵaý jáne damytý agenttigi baspasóz qyzmetiniń habarlaýynsha, tergep-tekserý barysynda karteldik sózbaılasý belgileri anyqtaldy.
Atap aıtqanda, «RSÝ-1» JShS men «ABZ Karer DRSÝ» JShS-niń konkýrstarǵa qatysý kezinde kelisilgen áreketter jasap, baǵa usynystarynyń qalyptasýyna yqpal etkeni belgili boldy.
Qazaqstan Respýblıkasynyń Kásipkerlik kodeksiniń 169-babyna sáıkes, saýda-sattyq nátıjelerin burmalaýǵa jáne baǵalardy ustap turýǵa baǵyttalǵan naryq sýbektileri arasyndaǵy kóldeneń kelisimder kartel dep tanylady jáne zańnamamen tyıym salynady.
Kompanııalar tergep-tekserý qorytyndylaryn sotta daýlaǵan. Birinshi satydaǵy sot monopolııaǵa qarsy organnyń qorytyndysyn zańsyz dep tanydy. Alaıda apellıatsııalyq shaǵymdy qaraý qorytyndysy boıynsha bul sheshimniń kúshi joıylyp, karteldik sózbaılasý faktisi rastaldy, al monopolııaǵa qarsy organnyń áreketteri zańdy dep tanyldy. Sot sheshimi zańdy kúshine endi.
- Qazirgi ýaqytta materıaldar Jetisý oblysy boıynsha Ekonomıkalyq tergep-tekserý departamentine qylmystyq quqyq buzýshylyq belgileriniń bar-joǵyn baǵalaý úshin joldandy. Olar anyqtalmaǵan jaǵdaıda, monopolııaǵa qarsy áreket etý sharalary qabyldanatyn bolady, onyń ishinde nusqama shyǵarý, monopolııalyq tabysty tárkileý jáne ákimshilik jaýapkershilikke tartý qarastyrylǵan,-delingen habarlamada.
Osyǵan deıin Almatyda básekelestik zańyn buzǵandardan 4,6 mlrd teńge aıyppul óndirilgeni týraly jazdyq.
