Jetisý oblysynda kásipkerdi qorqytyp jarty mıllıon qarajatyn qaǵyp alǵan toptyń joly kesildi
JETІSÝ.KAZINFORM — Jetisý oblysynda prokýratýranyń úılestirýimen quqyq qorǵaý organdary kásipkerlerdi qorqytyp, aqsha bopsalap alyp júrgen toptyń áreketine jedel túrde tosqaýyl qoıdy. Bul týraly jergilikti prokýratýranyń baspasóz qyzmeti málim etti.
Prokýrorlardyń málimetinshe, atalǵan top músheleri aldyn ala sóz baılasý arqyly áreket etip, kásipkerdi múlikti órtep jiberemiz degen jeleýmen qorqytyp, jábirlenýshiniń jarty mıllıon teńge kólemindegi qarajatyn ıemdengen.
«Sotqa deıingi tergep-tekserý nátıjeleri boıynsha qylmystyq is sotqa jiberildi» — delingen habarlamada.
Alakól aýdandyq soty prokýratýranyń dálelderin qoldap, jasalǵan qylmystyń aýyrlyǵy men sıpatyn eskere otyryp, kinálilerdi QR QK-niń 189 babynyń 3 bóligine sáıkes 4 jylǵa bas bostandyǵynan aıyrdy.
Úkim zańdy kúshine engen joq.
Jetisý oblysynyń prokýratýrasy azamattar men kásipkerlerdi qorqytyp, aqsha talap etken faktiler bolǵan jaǵdaıda óz quqyqtaryn qorǵaý úshin dereý zań organdaryna habarlaýǵa shaqyrady.
