Jetisý oblysynda kásipkerdi bopsalap, páterin almaq bolǵan adam sottaldy
TALDYQORǴAN. KAZINFORM - Jetisý oblysynyń mamandandyrylǵan aýdanaralyq soty alqabılerdiń qatysýymen burynǵy JShS qyzmetkerin bopsalaý faktisi boıynsha kináli dep tanydy.
Oblystyq prokýratýranyń málimetinshe, ol kásipkerdiń kommertsııalyq qyzmetinde anyqtalǵan zańbuzýshylyqtar týraly aqparatty jarııa etpeý úshin 16 mln teńge turatyn páterdi talap etken.
Polıtsııa qyzmetkerleri kúdiktini páter qujattaryn alý kezinde qylmystyq árekettiń jolyn kesken.
Sot sottalýshyny QK-niń 194-baby (bopsalaý) boıynsha kináli dep tanyp, oǵan 8 jyl basbostandyǵynan aıyrý jazasyn taǵaıyndady.
Úkim zańdy kúshine endi.
- Jetisý oblysynyń prokýratýrasy azamattar men kásipkerlerdi bopsalaý faktileri týraly quqyq qorǵaý organdaryna dereý habarlaýǵa shaqyrady, - delingen habarlamada.
Almatyda aqsha bopsalaǵan blogerler eki aıǵa qamalǵan bolatyn.