Jetisý oblysynda qarııanyń terezesin syndyrǵan kúdiktiler izdestirilip jatyr
TALDYQORǴAN. KAZINFORM – Jetisý oblysynyń polıtsııasy bul fakt boıynsha ákimshilik is qozǵady.
Áleýmettik jelide jalǵyz turatyn aq jaýlyqty ájeniń úıine belgisiz adamnyń kelip, 5 terezesin syndyryp ketkeni týraly beınejazba tarady.
Jetisý oblysynyń Polıtsııa departamentiniń málimetinshe, bul oqıǵa 29 naýryz kúni bolǵan. Qazir kúdiktiler izdestirilip jatyr.
- Qaratal aýdandyq polıtsııa qyzmetkerleri Úshtóbe qalasynda múlikti búldirý faktisi boıynsha ákimshilik is tirkeldi. Qazirgi ýaqytta tekserý júrgizilip, quqyq buzýshylardy anyqtaý jáne ustaý boıynsha sharalar qabyldanyp jatyr. Іs oblystyq departament basshylyǵynyń baqylaýynda. Qurmetti Jetisý oblysynyń turǵyndary, bolǵan oqıǵa týraly ýaqytyly habarlaýyńyzdy suraımyz, jedel áreket etý quqyq buzýshylyqtardy der kezinde ashýǵa kómektesedi – dep habarlady departamentten.
Eske salaıyq, buǵan deıin Temirtaýda jasóspirimder 67 jastaǵy zeınetkerdi soqqyǵa jyǵyp, is-áreketterin kameraǵa túsirgen edi. https://www.inform.kz/ru/izdevatelstva-nad-pensionerom-snyali-na-video-podrostki-iz-temirtau-8db0af