Jetisý oblysynda qar qursaýynda qalǵan 8 adam qutqaryldy

TALDYQORǴAN. KAZINFORM - Alakól aýdanynda qutqarýshylar jeńil avtokólikpen qar qursaýynda qalyp qoıǵan 8 adamdy qutqardy. Jolaýshylar medıtsınalyq kómekke júginbedi. 

TJM taratqan málimetke súıensek, Jetisý oblysyndaǵy Alakól aýdany Jalańashkól avtojolynyń ýchaskesinde jeńil avtokólik qar qursaýynda turyp qalǵan. Oqıǵa ornyna kelgen qutqarýshylar temir jol boıynda qalǵan kóliktegi 2 adamdy jaqyn mańdaǵy eldi mekenge evakýatsııalady. 

Sondaı-aq Kóktuma stantsııasynyń janynda 6 jolaýshysy bar jeńil avtokólikti de qar qursaýynan shyǵarǵan tótenshelikter adamdardy jaqyn aýyldardyń birine jetkizgen.

«Oqıǵa ornyna kelgen TJM jedel-qutqarý jasaǵynyń qutqarýshylary vahtovkanyń kómegimen Aqshı aýylyna 6 adamdy evakýatsııalady. Olar medıtsınalyq kómek muqtaj emes», - delingen habarlamada.

Eske salaıyq osyǵan deıin TJM qutqarýshylary qar qursaýynan 2 adamdy qutqarǵanyn jazǵanbyz.