Jetisý oblysynda qar qursaýynda qalǵan 39 adam qutqaryldy

Alakól aýdany aýmaǵynda aqtútek boran soǵyp, kólik joldaryna shekteý qoıyldy, dep habarlaıdy Kazinform.

Úsharal - Dostyq baǵytyndaǵy respýblıkalyq avtojoly kesheden beri kóliktiń barlyq túri úshin jabyq tur. Soǵan qaramastan alys joldan kele jatqan nemese eskertýdi elemeı jolǵa shyqqan kólikter jolda qalyp, qutqarýshylardyń kómegine júginip jatyr.

Qazirge deıin Alakól aýdany aýmaǵynda jolda qalǵan 49 avtokólikke kómek kórsetildi.

- Qar qursaýynda qalǵan 39 adam qutqaryldy. Onyń ishinde Dostyq stansasyna baratyn avtobýsqa mingen Belarýs respýblıkasynyń 15 azamaty bar. Adamdar aman, medıtsınalyq kómekke júginbedi, - dep habarlady Jetisý oblystyq TJ departamentiniń baspasóz qyzmeti.