Jetisý oblysynda qamys arasynda qalyp qoıǵan aqqý qutqaryldy

ASTANA. KAZINFORM — Mamandar tekserý barysynda aqqýdyń sol jaq qanaty synǵanyn anyqtady, dep habarlaıdy TJM baspasóz qyzmeti.

Alakól aýdanyndaǵy Aqshı aýylynyń mańynda TJM qutqarýshylary Alakól kólinde profılaktıkalyq is-shara júrgizip jatqan kezde qamystyń arasynan jaraqat alǵan aqqýdy baıqap, beıjaı óte almady. Olar qusty abaılap alyp shyǵyp, jylytyp, tamaqtandyryp, sodan keıin Úsharal qalasyndaǵy veterınar mamandarǵa tapsyrdy.

— Mamandar tekserý barysynda aqqýdyń sol jaq qanaty synǵanyn anyqtady. Aqqý qanattaryn baıaý qımyldatyp, kómegi úshin qutqarýshylarǵa alǵys aıtqandaı boldy, — delingen vedomstvo habarlamasynda.

Osydan buryn Pavlodarda aýyl turǵyndary Qyzyl kitapqa engen suńqyldaq aqqýdy qutqarǵanyn jazǵanbyz.