Jetisý oblysynda qalyń qarda kóligimen jolda turyp qalǵan 5 adam qutqaryldy

ASTANA. KAZINFORM - 13 aqpanda túnde Jetisý oblysyndaǵy Úsharal - Dostyq avtojolynda bir kólik qardan júre almaı jolda turyp qalǵan, dep habarlaıdy QR Tótenshe jaǵdaılar mınstrliginiń baspasóz qyzmeti.

Baspasóz qyzmetiniń habarlaýynsha, oqıǵa ornyna dereý qutqarýshylar shyqty. Olar qalyń qarǵa keptelip qalǵan 1 tehnıka men ondaǵy adamdardy shyǵaryp aldy. Medıtsınalyq kómek qajet bolǵan joq. Azamattar eń jaqyn eldi mekenge jetkizildi.

«Qys mezgilinde qaýipsizdik erejelerin saqtaýdy jáne daýyldy eskertýler men joldardyń jabylýy týraly SMS alǵan kezde alys jolǵa shyqpaýdy suraımyz»,-dep jazady QR TJM ókilderi.