Jetisý oblysynda esirtki zerthanasyn qurǵany úshin eki azamat sottaldy

TALDYQORǴAN. KAZINFORM – Jetisý oblysy prokýratýrasynyń úılestirýimen oblystyq UQK Departamenti sıntetıkalyq esirtki óndiretin astyrtyn zerthananyń jolyn kesti.

– Atap aıqanda, P jáne T. atty eki azamat qylmystyq kelisimge kele otyryp, sıntetıkalyq esirtki óndirý jáne satý úshin Tekeli qalasynan úı jaldaǵan, - delingen habarlamada. 

Esirtki zerthanasyn tintý kezinde 21 kg psıhotroptyq zattar men zerthanalyq qural-jabdyqtar tárkilendi (esirtkizattardy oraý úshin elektrondy tarazylar, paketter, folga, ızolenta jáne t.b.).

Sot úkimimen ekeýi de 10 jylǵa bas bostandyǵynan aıyryldy.

Sot úkimi zańdy kúshine engen joq.

Eske sala keteıik, buǵan deıin esirtki qylmysyn jasaǵan 4 myńnan asa adam túrmede otyrǵanyn jazǵan edik.