Jetisý oblysynda esirtki zattaryn satatyn 30 alań buǵattaldy
ASTANA. KAZINFORM — Jetisý oblysy prokýratýrasymen esirtki zattaryn satatyn 30 esirtki alańdary buǵattaldy. Bul týraly Jetisý oblysy prokýratýrasynyń baspasóz qyzmeti málim etti.
Jetisý oblysy prokýratýrasymen zańsyz esirtki zattaryn jarnamalaý derekteri anyqtaldy.
Qazaqstan Respýblıkasy Bas Prokýrorynyń tapsyrmasyn oryndaý maqsatynda oblys prokýratýrasynyń qyzmetkerlerimen áleýmettik jelilerge monıtorıng júrgizý barysynda belgisiz tulǵalarmen esirtki jáne psıhotroptyq zattardy nasıhattaý, jarnamalaý jáne satýmen aınalysatyn messendjerlerdegi arnalar men saıttar anyqtaldy.
— Nátıjesinde «Kıbernadzor» aqparattyq júıesi arqyly esirtki zattarynjarnamalaıtyn 30 esirtki alańy buǵattaldy. Oblys prokýratýrasymen atalǵan baǵytta jumystar turaqty túrde júrgizilýde, — dep atap ótti oblystyq prokýratýra ókili Gúlzııa Ádilova.
Eske salsaq, buǵan deıin QR Joǵarǵy sotynyń sýdıasy, Azamattyq ister jónindegi sot alqasynyń tóraǵasy Nurserik Sháripov jastar esirtki jasyrý qylmysyna jaza kúsheıtilgenin bilse de, osy zańsyz áreketke baryp jatqanyn aıtqan edi.
