Jetisý oblysynda esirtki saqtaǵan destrýktıvti aǵym ókili ustaldy

Jetisý oblysynyń polıtseıleri men Ulttyq qaýipsizdik komıteti oblystyq departamentiniń qyzmetkerleri birlesip arnaıy operatsııa ótkizdi, dep habarlaıdy Kazinform. 

Birlesken is-qımyl nátıjesinde Sarqan aýdanynyń 45 jastaǵy turǵyny ustaldy. Kúdiktiniń mekenjaıy boıynsha sanktsııalanǵan tintý ótkizý kezinde polıtseıler 13 qap marıhýana tapty.

«Kúdikti adamnyń el aýmaǵynda tyıym salynǵan dinı-ekstremıstik uıymnyń jaqtaýshysy ekeni anyqtaldy. Osyǵan baılanysty jedel is-sharalar oblystyq prokýratýranyń úılestirýimen júrgizildi. Qazir esirtkini zańsyz saqtaý faktisi boıynsha da qylmystyq is qozǵaldy», – dep habarlady Jetisý oblysy PD Ekstremızmge qarsy is-qımyl basqarmasynyń qyzmetkerleri.