Jetisý oblysynda elektrondy temeki satýmen aınalysqan erli-zaıypty ustaldy

TALDYQORǴAN. KAZINFORM – Jetisý oblysynda elektrondy temeki satýmen aınalysqan erli-zaıypty ustaldy. Bul týraly QR Іshki ister mınıstrliginiń baspasóz qyzmeti habarlady. 

Jetisý oblysynyń polıtseıleri jedel-izdestirý sharalary barysynda elektrondy temeki júıeleriniń zańsyz satylymyn toqtatty. 

Taldyqorǵan qalasynda baqylaýly satyp alý júrgizildi. Onyń barysynda «1» laqap atymen tanylǵan azamat WhatsApp messendjeri arqyly 27 jastaǵy jergilikti turǵyn «2»-den elektrondy temeki qurylǵysyn satyp alǵan. Taýardy jetkizýdi kýrer «K» júzege asyrdy.

Operatsııanyń ári qaraı damýy kezinde «2»-niń jubaıy – 28 jastaǵy jergilikti turǵyn «3» ustaldy. Onyń Toyota avtokóliginen polıtsııa qyzmetkerleri 275 dana «veıp» taýyp, tárkiledi.

Sonymen qatar polıtseıler 20 jastaǵy azamat «3»-ti de ustady. Ol taksı júrgizýshisi retinde búrkemelenip, osyndaı taýarlardy klıentterge jetkizip otyrǵan. 

Quqyq qorǵaý organdary atap ótkendeı, temekini tutynýdyń elektrondy júıeleri densaýlyqqa aıtarlyqtaı zııan keltirip, ásirese jastar arasynda táýeldilik qalyptastyrady. Veıpterdi zaman indeti dep atap, keler urpaq úshin qaýipti saldar týǵyzatynyn eskertedi. 

Polıtsııa eskertedi: shylymsyz temeki ónimderin, elektrondy tutyný júıelerin (veıpterdi), sondaı-aq olarǵa arnalǵan hosh ıistendirgishter men suıyqtyqtardy satý jáne taratý qylmystyq jaýapkershilikke ákeledi.

Buǵan deıin Pavlodarda kásipkerdi bopsalaǵan UQK qyzmetkerine qatysty sotqa deıingi tergeý júrip jatqanyn jazǵan edik.