Jetisý oblysynda elektr dabyly iske qosylady

TALDYQORǴAN. KAZINFORM — Jetisý oblysynyń tótenshe jaǵdaılar departamenti 22 mamyr saǵat 09.00-de oblystyq qulaqtandyrý júıesine tehnıkalyq tekseris júrgizý maqsatynda elektrdabyldar qosylatynyn habarlady. 

Tekserý barysynda elektrodabyl qondyrǵylary iske qosylady. 

Vedomstvo turǵyndar men oblys qonaqtarynan sabyr saqtap, úreıge boı aldyrmaýdy jáne túsinistikpen qaraýdy suraıdy.

— Bul — tekserý jumystary aıasynda júzege asyrylatyn josparly shara. Atalǵan sátte dabyl dybystary estilgen jaǵdaıda, alańdamaýdy ótinemiz, — delingen TJD habarlamasynda.

Sondaı-aq departament tótenshe jaǵdaı kezinde elektrodabyl iske qosylǵan sáttegi is-qımyl erejesin iske saldy.

• Eger dabyl sıgnaly turǵyn úıde júrgen sátte berilse:
• Radıo nemese teledıdardy qosyp, resmı aqparatty tyńdańyz;
• Habarlamada berilgen nusqaýlyqtarǵa sáıkes áreket etińiz.

Eger dabyl kezinde dalada bolsańyz:

— kóshedegi daýys ulǵaıtqyshtarmen jáne jyljymaly habarlaý quraldarymen beriletin shuǵyl habarlamany tyńdańyz;

— berilgen habarlamaǵa sáıkes áreket etińiz.

Aıta keteıik, Oljas Bektenov Tótenshe jaǵdaılar mınıstrligine mamyr aıynyń sońyna deıin tabıǵı órtke qarsy respýblıkalyq komandalyq shtabtyq oqý-jattyǵý ótkizýdi tapsyrǵan bolatyn.