Jetisý oblysynda eki polıtseı jaýapqa tartyldy

Jetisý oblysynda kásipkerlik nysandaryn zańsyz teksergen eki polıtsııa qyzmetkeri tártiptik jaýapkershilikke tartyldy, dep habarlaıdy QazAqparat tilshisi.

Olar Taldyqorǵan qalasy men Eskeldi aýdanynyń aýmaǵynda ornalasqan 7 dárihanaǵa tekseris júrgizip, kásipkerlerge qatysty ákimshilik quqyq buzýshylyq týraly materıaldardy farmatsevtıkalyq baqylaý salasyndaǵy ýákiletti organǵa joldaǵan.

«Jetisý oblystyq prokýratýrasy bul árekettiń zańsyz ekenin anyqtap, tekserý is-sharalarynyń nátıjesin jaramsyz dep tapty. Kináli polıtseıler tártiptik jaýapkershilikke tartyldy»,- dep habarlady qadaǵalaý organynan.