Jetisý oblysynda eki kún buryn joǵalǵan jasóspirimdi izdeý jumystary jalǵasyp jatyr
ASTANA. KAZINFORM – Jetisý oblysynyń Kóksý aýdanynda 17 jastaǵy bozbalany izdeý sharalary ekinshi kún qatarynan jalǵasyp jatyr, dep habarlaıdy Polisia.kz-ke silteme jasap.
Polıtsııanyń málimetinshe, jasóspirim 8 qarasha kúni Besqaınar aýylyndaǵy úıinen shyǵyp ketken. Sol kúnnen beri onyń qaıda ekeni belgisiz.
Joǵalǵan kúni ol qara tústi, qysqy, bylǵary aıaq kıim, qara tústi, qysqa kúrteshe jáne kók tústi qalpaǵy bar sporttyq kofta kıgen. Ózimen birge sómkesi bolǵan.
Qazir keńeıtilgen izdestirý sharalary júrgizilýde. Іzdeýge 50 polıtsııa qyzmetkeri, 30 mektep muǵalimi, bilim bóliminiń 16 qyzmetkeri jáne shamamen 22 erikti jumyldyrylǵan.
Іzdeý jumystary birneshe baǵytta qatar júrip jatyr. Taldyqorǵanda «Arbat» jáne «Koltso» aýdandary, saýda úıleri, bazarlar, meshitter men kompıýterlik klýbtar tekserilýde. Besqaınar aýylynda eldi mekenniń ishki jáne shet aımaqtary muqııat qaralyp, izdeý paraqshalary taratylýda.
Sondaı-aq Balpyq bı aýylynda «Balpyq bı – Almaty» baǵytyndaǵy taksı baǵyttary men kompıýterlik klýbtar tekserilip jatyr. Qosymsha taksı men qoǵamdyq kólikter baqylaýǵa alynǵan.
Іzdeý jumystary jalǵasýda. Polıtsııa jasóspirim týraly qandaı da bir málimeti bar turǵyndardy 112 nemese jaqyn mańdaǵy polıtsııa bólimine habarlaýǵa shaqyrady.
Aıta keteıik, Taldyqorǵanda 17 jyl halyqaralyq izdeýde bolǵan qylmysker ustaldy.