Jetisý oblysynda deltaplanmen ushyp bara jatyp sýǵa qulaǵan azamattardyń jaǵdaıy aýyr

TALDYQORǴAN. KAZINFORM -  Aqshı aýylynyń mańynda Alakól kólin patrýldeý kezinde deltaplanmen ushyp bara jatyp sýǵa qulaǵan 2 adam aýdandyq aýrýnaǵa jetkizildi.

40 jastaǵy áıel men 44 jastaǵy er adamnyń jaǵdaıy aýyr. Zardap shekken taldyqorǵandyq áıeldiń sol jaq tizesi kógergen. Mıy shaıqalyp, basynan qatty soqqy alǵan. Bas jáne bet súıekteri synǵan.

Al 1980 jyly týylǵan azamat Іle aýdany Jetigen aýylynyń týmasy ekeni anyqtaldy. Onyń jambas súıegi synyp, basynan qatty soqqy alǵan.

Búginde qos azamat Alakól aýdandyq aýrýhanasy dárigerleriniń baqylaýynda.

Eske salaıyq, buǵan deıin Jetisý oblysy Aqshı aýylynyń mańyndaǵy Alakól kólin patrýldep júrgen qyzmetkerler sýǵa qulaǵany jaıly jazǵan edik.