Jetisý oblysynda bıýdjet qarajatyn asa iri mólsherde jymqyrǵan laýazymdy tulǵalar sottaldy

Jetisý oblysynyń prokýrorlary Taldyqorǵan qalasynda 2 kópqabatty turǵyn úı salý kezinde bıýdjet qarajatyn jymqyrǵan kináli tulǵalarǵa qatysty ádil úkimge qol jetkizdi, dep habarlaıdy Kazinform oblystyq prokýratýranyń baspasóz qyzmetine silteme jasap. 

Qylmystyq tergeýdi arnaıy prokýrorlar bastap, júrgizdi.

Taldyqorǵan qalasynyń qurylys bóliminiń laýazymdy tulǵasy merdigermen aldyn ala sóz baılasa otyryp, 250 mln teńgeden astam somaǵa atqarylǵan jumys týraly jalǵan aktilerge qol qoıý arqyly asa iri mólsherde urlyq jasaǵany anyqtaldy.

Sot úkimimen aıyptalýshy úsh tulǵa, onyń ishinde ákimdik qyzmetker Qylmystyq kodekstiń 2-tarmaǵynyń 189-baby 4-bóligi boıynsha kináli dep tanylyp, 7 jylǵa bas bostandyǵynan aıyryldy.

Úkim zańdy kúshine engen joq.