Jetisý oblysynda burynǵy qant zaýytynyń aýmaǵynda órt shyqty

ASTANA. KAZINFORM — Jetisý oblysyndaǵy burynǵy qant zaýytynyń aýmaǵynda órt boldy.

Jetisý oblysynda burynǵy qant zaýytynyń aýmaǵynda órt shyqty
Vıdeodan alynǵan kadr

Eskeldi aýdanyna qarasty Qarabulaq aýylyndaǵy paıdalanylmaıtyn qoıma ǵımaratynan órt shyqqan.

Oblystyq tótenshe jaǵdaılar departamentiniń málimetinshe, órt týraly habar shuǵyl qyzmetterdiń kezekshi pýltine túsken. Oqıǵa ornyna dereý órt sóndirý bólimsheleri jiberilip, olar órtti sóndirýge jáne jalynnyń odan ári taralýyna jol bermeýge kirisken.

— Órt saldarynan qoıma ǵımaratynyń 130 sharshy metr aýmaqtaǵy shatyry otqa orandy. Órt jedel oqshaýlanyp, tolyq sóndirildi, — dep habarlady vedomstvo.

Oqıǵa kezinde eshkim zardap shekken joq. Órttiń shyǵý sebebi anyqtalyp jatyr.

Eske salaıyq, buǵan deıin Aqtóbedegi kafede gaz-aýa qospasy jarylyp, eki adam zardap shekkenin habarlaǵan edik.