Jetisý oblysynda brakonerlerden 200 keliden astam balyq tárkilendi
TALDYQORǴAN. KAZINFORM - Balqash kólinen zańsyz balyq aýlaǵan azamattar ustaldy. Reıdtik is-shara barysynda brakonerlerden tyıym salynǵan aýlaý quraldary tárkilendi.
Jetisý oblystyq polıtsııa departamentiniń málimetinshe, Tabıǵatty qorǵaý polıtsııasy men Qaratal balyq ınspektsııasynyń mamandary óńirdiń sý aıdyndarynda reıd júrgizgen. Іs-shara barysynda Balqash kólinde tyıym salynǵan aýlaý quraldaryn paıdalanyp, zańsyz balyq aýlaǵan azamattar qolǵa tústi.
— Quqyqbuzýshylardan uzyndyǵy 100 metrlik balyq aýlaý tory men 234 keli zańsyz aýlanǵan balyq tárkilendi. Atalǵan fakti boıynsha sotqa deıingi tergeý amaldary júrgizilip jatyr. Keltirilgen aldyn-ala shyǵyn 1 285 705 teńgeni qurady, - dedi Jetisý oblystyq polıtsııa departamenti.
Polıtsııa qyzmetkerleri brakonerliktiń el ekologııasy men sý resýrstaryna aıtarlyqtaı zııan keltiretinin eskertedi.
Eske salaıyq osyǵan deıin Alakóldik qoryqshylar muz ústinde júre almaı qalǵan elikti qutqarǵanyn jazǵanbyz.