Jetisý oblysynda brakonerden 100 keliden asa balyq, 16 dana temir tor tárkilendi
TALDYQORǴAN. KAZINFORM - Jetisýda Lepsi ózeninen zańsyz balyq aýlaǵan azamat ustaldy. Onyń tabıǵatqa keltirgen zalaly shamamen 800 myń teńgege jýyq.
Tabıǵatty qorǵaý polıtsııa qyzmetkerleri Lepsi ózeni boıynda ótkizgen reıdik is-sharalar barysynda tyıym salynǵan quraldardy paıdalanyp, zańsyz balyq aýlaýmen aınalysqan Taldyqorǵan qalasynyń 33 jastaǵy turǵynyn ustady.
Brakonerden uzyndyǵy 100 metr, eni 5 metr bolatyn 8 birlik aý men 16 dana temir tor jáne qaıyq tárkilendi. Tintý barysynda 100 keliden astam balyq tabyldy.
Aldyn ala esepteýler boıynsha tabıǵatqa keltirilgen zalal shamamen — 777 myń teńge.
Tabıǵatty qorǵaý qyzmetkerleri brakonerlik is balyq popýlıatsııasyna qaýip tóndiretinin jáne tabıǵı tepe-teńdiktiń buzylýyna ákeletinin umytpaýdy eskertedi. Ol úshin zańda 3 jylǵa deıin bas bostandyǵynan aıyrý jazasy qarastyrylǵan.
Eske salaıyq osyǵan deıin Qazaqstan boıynsha Alakólde ǵana kezdesetin relıkti shaǵalaǵa GPS qondyrǵysy ornatylǵanyn jazǵanbyz.