Jetisý oblysynda borandy túnde jolda turyp qalǵan kólikterden 73 adam qutqaryldy
ASTANA. KAZINFORM – Búgin túnde Jetisý oblysy boıynsha aqtútek boranda jolda turyp qalǵan kólikterden 73 adam qutqaryldy, dep habarlaıdy QR Tótenshe jaǵdaılar mınıstrliginiń baspasóz qyzmeti.
Baspasóz qyzmetiniń málimetterine qaraǵanda, túnde Jetisý oblysy Kerbulak aýdanynda, respýblıkalyq mańyzy bar «Saryózek – Qoktal» avtojolynda TJM qyzmetkerleri 71 adamdy, onyń ishinde 10 balany qutqardy.
- Qarda 19 jeńil kólik pen 2 júk kóligi turyp qalǵan bolatyn. Barlyq qutqarylǵan adamdar Saryózek aýylyna jetkizildi. Sondaı-aq, joldyń tazartylǵan ýchaskesine 15 jeńil avtomobıl súıretildi, olarda 38 eresek adam boldy - olar óz betinshe qozǵalysty jalǵastyrdy.
Alakól aýdanynda, «Usharal-Dostyq» avtojolynda, Koktuma stansasynan 10 km qashyqtyqta, TJD kúshteri qar qursaýynda qalǵan jeńil kólikten 2 adamdy qutqaryp, Koktuma stansasyna jetkizdi,-delingen habarlamada.
Medıtsınalyq kómekke eshkim muqtaj bolǵan joq.
Osyǵan deıin Jetisý oblysynda aýa raıyna baılanysty kólik qozǵalysyna shekteý qoıylǵany týraly jazdyq.
