Jetisý oblysynda azamattardyń atyna 40 mln teńge nesıe rásimdegen alaıaq sottaldy

TALDYQORǴAN. KAZINFORM – Jetisý oblysynda azamattardyń atyna zańsyz nesıe rásimdep, 40 mln teńgeden astam shyǵyn keltirgen alaıaq sottaldy.

Jetisý oblysynda azamattardyń senimin teris paıdalaný arqyly olardyń atyna nesıeler men mıkronesıeler rásimdep, qarjyny jeke bas paıdasyna jumsaǵan er adamǵa qatysty qylmystyq is boıynsha sot talqylaýy aıaqtaldy.

Tergeý málimetinshe, sottalǵan adam jábirlenýshilerdiń jeke derekterine jáne elektrondyq tsıfrlyq qoltańbasyna qol jetkizip, olardy zańsyz nesıe rásimdeýge jáne aqshalaı qarajatty ıemdenýge paıdalanǵan.

- Qylmystyq áreketter nátıjesinde 14 azamat zardap shegip, keltirilgen materıaldyq shyǵyn kólemi 40 mln teńgeden asty.

Sot úkimimen ol kináli dep tanylyp, 4 jyl 6 aı merzimge bas bostandyǵynan aıyryldy, - dep jazdy aımaqtaǵy prokýratýradan.

Úkim zańdy kúshine endi.

Aıta keteıik, Aqmola oblysynyń turǵyny alaıaqtarǵa 20 mln teńgege aldanyp qaldy.