Jetisý oblysynda áıel sý qubyrynyń qazylǵan ornyna qulap ketti
TALDYQORǴAN. KAZINFORM — Kerbulaq aýdanynda áıel adam tereń shuńqyrǵa túsip ketken. Qarańǵyda bolǵan jazataıym oqıǵaǵa qatysty aýdandyq ákimdik jaýap berdi.
Oqys oqıǵa Saryózek aýylynda bolǵan. Amanjolov kóshesinde jarylǵan sý qubyryn jóndeý úshin qazylǵan shuńqyrǵa túngi ýaqytta áıel adam túsip ketken.
Áleýmettik jelige jarııalanǵan jazbaǵa Kerbulaq aýdany ákimdigi jaýap berdi.
— Amanjolov kóshesinde 20 qarashadan bastap «Kúreńbel sý» MKK jarylǵan sý qubyryn qalpyna keltirý jumystaryn júrgizip jatyr. Búgin jóndeý jumysyna qajetti materıaldardyń ýaqytyly jetkizilmeý sebebinen mekeme qyzmetkerleri qazylǵan kóshe boıyn qyzyl jáne aq jolaqty tosqaýyl taspasymen qorshap qoıǵan. Alaıda Instagram áleýmettik jelisinde kersetilgen azamatsha mas kúıinde tosqaýyldy buza otyryp, qazylǵan jerge qulap ketken. Bul jaǵdaıǵa baılanysty «Kúreńbel sý» mekemesiniń dırektory oqıǵa ornyna jedel baryp, azamatshaǵa alǵashqy kómek kórsetip, turǵylyqty mekenjaıyna jetkizdi, — delingen ákimdik paraqshasynda.
Eske salaıyq, buǵan deıin Jetisý oblysy Qapal aýylyna asfalttiń qara sýyqta tóselip jatqanyn jazǵanbyz.