Jetisý oblysynda aýyl turǵynynyń kóliginen sýyq qarý tabyldy

Alakól aýdanynyń polıtsııasy 32 jastaǵy azamattan oq-dárileri bar AKS-74 qarýyn tárkiledi, dep habarlaıdy Kazinform.

- «Mal urlyǵyn» aldyn alý is-sharasy barysynda Alakól aýdanynyń ýchaskelik ınspektory UQKD Shekara qyzmeti áskerıleriniń kómegimen Balapanov aýylynyń mańyndaǵy ýchaskege tekserý júrgizdi. Quqyq qorǵaýshylar VAZ-2114 avtokóligin toqtatyp, teksergen kezde, júk salǵyshtan «Kalashnıkov» avtomaty men 5,45 mm kalıbrli 11 patron tabyldy, - deıdi Jetisý oblysynyń polıtsııasy.

Ustalǵan 32 jastaǵy kólik júrgizýshisi aýdandyq polıtsııa bólimine jetkizilgen. Er adamnyń buryn jaýapqa tartylmaǵany belgili boldy. Polıtseıler qarýdy satyp alý kózin jáne onyń qoldanylýyn anyqtap jatyr. Qazir tárkilengen qarý saraptamaǵa jiberildi. 

Іs boıynsha Qylmystyq kodekstiń 287-babymen tergeý bastaldy. Ustalǵan aýyl turǵyny qamaýǵa alynǵan.