Jetisý oblysynda aýdan ákiminiń orynbasary sottaldy

TALDYQORǴAN. KAZINFORM — Jetisý oblysy Alakól aýdanynyń Arqarly aýylynda elektr jelilerin salý jáne qaıta jańǵyrtý kezinde aýdan ákiminiń orynbasary qyzmettik ókilettigin asyra paıdalanyp, is júzinde oryndalmaǵan jumystar týraly aktilerge qol qoıǵan. Nátıjesinde bıýdjet esebinen 189 mln teńgeden astam soma zańsyz aýdarylǵan.

- Memlekettik aıyptaý QR QK-niń 361-baby 4-bóliginiń 3) tarmaǵy (aýyr saldarǵa ákep soqqan qyzmettik ókilettikterdi asyra paıdalaný,) boıynsha qylmys jasaǵan laýazymdy tulǵanyń kinásin tolyq dáleldedi, - delingen Jetisý oblysynyń prokýratýrasy habarlamasynda.

Alakól aýdandyq sotynyń úkimimen aýdan ákiminiń orynbasary múlkin tárkilemeı, 5 jylǵa bas bostandyǵynan aıyryldy. Sondaı-aq memlekettik qyzmette, memlekettik uıymdarda jáne kvazımemlekettik sektor sýbektilerinde laýazym atqarý quqyǵynan ómir boıyna aıyryldy.

Qabyldanǵan sharalar qadaǵalaý organynyń qaǵıdatty ustanymyn kórsetedi: atqaratyn laýazymyna qaramastan zań aldynda barlyǵy teń.

Úkim zańdy kúshine engen joq.

Aıta keteıik, Astanada MÁMS-tiń 80 mln teńgesin jymqyrǵan eki adam sottaldy.