Jetisý oblysynda aýa raıyna baılanysty kólik qozǵalysyna shekteý qoıyldy

ASTANA. KAZINFORM — QazAvtoJol aýa raıynyń qolaısyzdyǵyna baılanysty Jetisý oblysynda kólik qozǵalysyna shekteý qoıylǵanyn habarlady.

— 2026 jylǵy 9 aqpan saǵat 04:30–da aýa raıynyń buzylýyna baılanysty «Almaty — Taldyqorǵan — Óskemen — Shemonaıha — RF shekarasy» avtojolynyń 124-234 shaqyrym aralyǵyndaǵy ýchaskesinde (Almaty oblysy shekarasynan Jambyl aýylyna deıin) kóliktiń barlyq túrlerine shekteý qoıylady.

Joldy 2026 jylǵy 9 aqpan saǵat 08:00–de ashý josparlanǵan.

Aıta keteıik, 1403 baılanys ortalyǵyna habarlasyp, táýlik boıy qosymsha aqparat alýǵa bolady.

Buǵan deıin «Astana — Qaraǵandy — Almaty» avtojolynyń Qansheńgel aýylynan Aqsaı aýylyna deıingi aralyqta barlyq kólik túrleriniń qozǵalysyna shekteý engizilgen bolatyn.