04:48, 23 Shilde 2024 | GMT +5
Jetisý oblysynda astyq jınaý naýqany bastaldy
TALDYQORǴAN. KAZINFORM – Jetisý oblysynda egin orý jumystary 8 shildede bastaldy. Qazir jumys qarqyndy júrgizilip jatyr. Búgingi tańda 25,4 myń gektar dándi daqyldar orylyp, 63,7 myń tonna astyq bastyryldy. Bul týraly Jetisý oblysy ákiminiń baspasóz qyzmeti málimdedi.
Oblystyq aýyl sharýashylyǵy basqarmasynyń málimetine qaraǵanda, osy jyly oblysta 956 myń tonna dándi daqyldar jınaý josparlanyp otyr.
Ónimdi tazalaýǵa arnalǵan mashınalarmen qamtylǵan 92 qyrman jáne ónimdi saqtaýǵa syıymdylyǵy 713,5 myń tonnaǵa arnalǵan 487 qoıma bar. Sonymen qatar, astyqty jınaýǵa 1139 dana kombaın jumyldyrylyp otyr.
