Jetisý oblysynda apellıatsııalyq alqa 61 adamnyń úkimin ózgertti
TALDYQORǴAN. KAZINFORM - Byltyr oblystaǵy sýdıalardyń qylmystyq isterge qatysty shyǵarǵan 44 úkimi apellıatsııa arqyly ózgertildi. Bul týraly Jetisý oblystyq soty málimdedi.
Statıstıkaǵa súıensek, 2024 jyly óńirde sot sheshimimen kelispeı, apellıatsııaǵa júgingender 15 paıyzǵa kóbeıgen. Al ózgertilgen úkim sany 30 paıyzǵa artyp, kúshin joıǵan ister 50 paıyzǵa azaıdy.
- Eseptik kezeńde oblys sottaryna 1 191 qylmystyq is 1 428 adamǵa qatysty tústi. 2023 jylmen salystyrǵanda sotqa túsken qylmystyq ister sany 17%-ǵa artqan. Barlyǵy 880 adam sottaldy, olardyń 276-sy bas bostandyǵynan aıyrý jazasyna kesildi. Sottalǵandar qatarynan 2 adam aqtaldy, - delingen Jetisý oblystyq sottary taratqan málimdemede.
Al ákimshilik ister boıynsha kóbine turǵyn úı, jer daýlary jáne sot oryndaýshylarynyń áreketine shaǵymdaný jáne basqa da ákimshilik talap qaralǵan.
Eske salaıyq, osyǵan deıin Jetisý oblysy Aqsý aýdandyq sotynyń tóraǵasy jemqorlyq kúdigine ilikkenin jáne Jetisýda aýdıt teksergen memlekettik satyp alýdyń 92%-ynan kemshilik anyqtalǵanyn jazǵanbyz.