Jetisý oblysynda áleýmettik jeli arqyly alaıaqtyq jasaǵan kúdikti ustaldy
Jetisý polıtseıleri áleýmettik jeliler arqyly alaıaqtyq jasaǵan kúdiktini quryqtady, dep habarlaıdy Kazinform Polisia.kz-ke silteme jasap.
Ustalǵan 34 jastaǵy er adam ázirge alaıaqtyqtyń 5 deregi boıynsha kúdikke ilindi. Tergeý kezinde kúdikti azamatqa Taldyqorǵan qalalyq soty qamaýda ustaýǵa sanktsııa berdi.
– Kúdikti Almatynyń turǵyny. Tergeý materıaldarynda ázirge taldyqorǵandyq bes jábirlenýshi bar. Er adam qylmystyq maqsatta qurylys materıaldary men túrli dándi daqyldardy satyp alý, satýdy júzege asyratyn túrli qosymshalardy qoldanǵany anyqtaldy. ıAǵnı túrli kelissóz barysynda ol satyp alýshy, deldal jáne satýshy retinde áreket etti. Bes derek boıynsha jalpy shyǵyn 2 mln teńgeden asty, – dedi Taldyqorǵan qalalyq PB bastyǵynyń orynbasary Danııar Qabjasarov.
Tergeý barysynda ustalǵan adamnyń alaıaqtyqqa baılanysty basqa qylmystarǵa qatysy bar-joǵy tekseriledi.
Polıtsııa azamattardy ınternet keńistikte qarjylyq mámileler jasasý kezinde saq bolýǵa shaqyrady. Sóılesýdiń zańdylyǵyna kúmándansańyz, quqyq qorǵaý organdaryna dereý habarlasýyńyz qajet.
Osy jyly óńirde ınternet-alaıaqtyqtyń 400-den astam faktisi tirkeldi. Alaıaqtardyń qurbandary ártúrli jastaǵy jáne kásiptegi adamdar, sonyń ishinde qarjylyq operatsııalarda tájirıbesi bar adamdar, kásipkerler men qarjygerler bolýy múmkin.
