Jetisý oblysynda 9 myń gektardan astam jer orman qoryna berildi
ASTANA. KAZINFORM — Jetisý oblysynyń mamandandyrylǵan tabıǵat qorǵaý prokýratýrasy ormanmen kómkerilgen jáne memlekettik orman qoryna engizilmegen 9 myń gektardan astam jerdi anyqtady.
Orman kodeksiniń 51-1-babyna sáıkes basqa sanattardaǵy jerde tabıǵı ósip shyǵatyn ekpeler memlekettik orman qorynyń quramyna engizilýge jatady.
Prokýrorlyq qadaǵalaý aktisi boıynsha ákimdik barlyq múddeli organdardyń qatysýymen komıssııa quryp, anyqtalǵan ýchaskelerdi oblystyq orman qorynyń quramyna engizý boıynsha Jol kartasyn ázirledi.
Komıssııa jumysynyń qorytyndysy boıynsha anyqtalǵan 9 412 gektar jer oblystyq orman qoryna (Alakól jáne Úıgentas orman sharýashylyǵy alqaptarynyń quramyna qosa) berildi.
Aıta ketelik elorda ákimdigi 38 jer ýchaskesin 1 mlrd teńgege satyp alatyny týraly jazǵan edik.