Jetisý oblysynda 8,1 mln teńge kólemindegi kúdikti aýdarymdar buǵattaldy
TALDYQORǴAN. KAZINFORM - Jetisý oblysy prokýratýrasynyń úılestirýimen jáne Polıtsııa departamentimen «Antıfrod» júıesi arqyly ınternet-alaıaqtyqqa qatysy bar tulǵalar anyqtaldy.
Jetisý oblysy prokýratýrasynyń málimetinshe, 300-den astam dropperdiń 8,1 mln teńge kólemindegi aqsha aýdarymdary buǵattaldy. Qazirgi ýaqytta jábirlenýshilerge 11 mln teńgeden astam qarajat qaıtaryldy. Jábirlenýshilerge urlanǵan qarajatty qaıtarý úshin sotqa talap aryz berý tártibi boıynsha túsindirý jumystary júrgizildi.
- Tek 2025 jyldyń qańtar aıynda «dropperlerge» qatysty negizsiz baıytý faktisi boıynsha sotqa 18 talap aryz berilip, onyń 12-si (23,8 mln teńge somasynda) qanaǵattandyryldy, qalǵandary qaralý satysynda, - delingen Jetisý oblystyq prokýratýrasynyń habarlamasynda.
Eske salaıyq, osyǵan deıin Jetisý oblysynda apellıatsııalyq alqa 61 adamnyń úkimin ózgertkenin jazǵanbyz.