Jetisý oblysynda 80-nen astam oıyn jáne sport alańy salynyp, jóndelip jatyr

ASTANA. KAZINFORM – Jetisý oblysynda «Taza Qazaqstan» jalpyulttyq ekologııalyq baǵdarlamasy aıasynda 83 balalar oıyn jáne sport alańy salynýda jáne jańǵyrtylýda. Bul týraly oblys ákiminiń baspasóz qyzmeti habarlady.

2025 jyly óńirde 58 alań jańadan salynyp, 25-i aǵymdaǵy jóndeýden ótedi. Búgingi kúnge deıin 25 alańda qurylys jumystary tolyq aıaqtalǵan. Onyń ishinde 7-eýi – jańadan boı kótergen oıyn alańdary.

Jobalar turǵyn úı aýlalaryn abattandyrý maqsatynda júzege asyrylýda.

Atap aıtqanda:

• Tekeli qalasynda – 27,

• Taldyqorǵanda – 21,

• Aqsý aýdanynda – 20,

• Qaratal jáne Kóksý aýdandarynda – 5-ten,

• Kerbulaq aýdanynda – 4,

• Sarqan aýdanynda – 1 alań abattandyrylyp jatyr.

Balalar men turǵyndar jańartylǵan ınfraqurylymǵa oń baǵasyn berýde.

– Tekelidegi «Metallýrg» shaǵyn aýdanyndaǵy Bóltirik sheshen kóshesinde turyp jatqanyma 30 jyl boldy. Úıimizdiń aldyna jańadan balalar oıyn alańy salyndy. Keshkilik nemerelerimdi serýenge alyp shyǵamyn. Ózim de kórshilermen birge arnaıy qoıylǵan oryndyqtarda otyryp, áńgime-dúken quramyn. Sapasy jaqsy, kóńilimizden shyqty. Balalar da, biz de qýanyshtymyz, – deıdi tekelilik turǵyn Qanat Seısenbaev.

Aıta keteıik, búgin aımaqta jer silkindi.