Jetisý oblysynda 53 mln teńgelik konkýrs zań talaptaryn buzǵany úshin toqtatyldy
ASTANA. KAZINFORM – Jetisý oblysynyń prokýratýrasy qadaǵalaý qyzmeti barysynda «Sarqan aýdandyq ortalyq aýrýhanasy» ShJQ MKK-ńiń qyzmetinde memlekettik satyp alý jáne sáýlet-qurylys zańnamasynyń saqtalýyna tekserý júrgizip, bıýdjet qarajatynyń tıimsiz jumsalýyna ákep soǵýy múmkin buzýshylyqtardy anyqtady.
Qabyldanǵan sharalar zań talaptarynyń saqtalýyn qamtamasyz etýge múmkindik berdi.
Anyqtalǵandaı, mekeme aýdandyq aýrýhana aýmaǵynda jalpy somasy 53 mln teńgeden astam somaǵa jóndeý jumystaryn júrgizý boıynsha ashyq konkýrs jarııalaǵan. Satyp alý qujattamasynda atalǵan jumystar «aǵymdaǵy jóndeý» retinde kórsetilgen.
Jobalyq qujattamany taldaý nátıjesinde kózdelgen jumystardyń, onyń ishinde asfalt tóseý, alleıalardy abattandyrý, qorshaýlar ornatý jáne obektilerdi montajdaý jumystarynyń óz sıpaty boıynsha tıisti arnaıy qurylys lıtsenzııalary men ruqsat qujattary bolǵan jaǵdaıda ǵana júzege asyrylatyn qurylys jumystary sanatyna jatatyny anyqtaldy.
Anyqtalǵan zań buzýshylyqtar boıynsha Sarqan aýdanyń prokýratýrasymen prokýrorlyq qadaǵalaý aktisi engizildi. Qadaǵalaý organynyń aralasýy nátıjesinde memlekettik satyp alý rásimi toqtatylyp, zań talaptaryn buzýǵa jol bergen laýazymdy tulǵalar zańnamaǵa sáıkes jaýapkershilikke tartyldy.
Aıta ketelik Aqmola oblysynda kartop ósirý jobasyn júzege asyryp jatqan ınvestordyń quqyǵy qorǵalǵan edi.
