Jetisý oblysynda 5 kólik qar qursaýynda qalyp qoıdy

TALDYQORǴAN. KAZINFORM — Jetisý oblysynyń Alakól aýdanynda qutqarýshylar 11 adamdy qar qusaýynan alyp shyqty.

Qutqarýshylar 11 adamǵa kómek kórsetti. Onyń 3- eýi bala.

TJM- niń málimetinshe búgin Alakól aýdanynda «Úsharal-Dostyq» tas jolynda jolaýshylary bar bes jeńil kólik qar qursaýynda qalǵan.

Qutqarýshylar qıyn jaǵdaıǵa tap bolǵan jolaýshylarǵa kómek kórsetip, olardy "Trekol" jol talǵamaıtyn arnaıy kóligimen Dostyq stantsııasyna jetkizgen. Aq borannan aman shyqqan 11 adamnyń ishinde 3 bala bar. Olar medıtsınalyq kómekke muqtaj bolmady. TJM jolaýshylarǵa  saparǵa shyqpas buryn avtomobıldiń tehnıkalyq jaǵdaıyn jáne aýa-raıyn muqııat qadaǵalaýdy eskertedi.

Eske salaıyq osyǵan deıin Úsharal — Dostyq avtojoly kóliktiń barlyq túrleri úshin jabylǵanyn jáne Shyǵys Qazaqstanda qar kóshkini qaýpine baılanysty taǵy da jol jabylǵanyn jazǵanbyz.