Jetisý oblysynda 4000 oqýshy tyıym salynǵan saıttarǵa kirgen

TALDYQORǴAN. KAZINFORM - Jetisýda balalarǵa qatysty zańǵa qaıshy is-áreketter anyqtaldy. 7 muǵalim tártiptik jaýapkershilikke tartyldy.

Jetisý oblysy prokýratýrasynyń dereginshe Kóksý aýdanyndaǵy 7 mektepte 4 myń oqýshy ınformatıka kabınetinde tyıym salynǵan saıttarǵa, sonyń ishinde «Igra Satany» dinı resýrsyn jáne mazmuny eresekterge arnalǵan saıttarǵa kirgen.

Prokýrorlyq qadaǵalaý aktisimen bul saıttar buǵattaldy. 7 muǵalim jol berilgen buzýshylyqtary úshin tártiptik jaýapkershilikke tartyldy.

- Prokýratýra ata-analardy balalardyń vırtýaldy belsendiligin únemi qadaǵalap otyrýǵa jáne olardyń minez-qulqyndaǵy ózgeristerge nazar aýdarýǵa shaqyrady, - dep jazdy Jetisý oblysynyń prokýratýrasynan.

Eske salaıyq osyǵan deıin memleket qarjysyn jymqyrǵan mektep dırektoryna qatysty sot úkimi shyqqanyn jazǵanbyz.