Jetisý oblysynda 30 myń gektarǵa jýyq paıdalanylmaǵan jer memleketke qaıtaryldy
ASTANA. KAZINFORM — Jetisý oblysynyń Qaratal aýdanynda prokýrorlyq qadaǵalaý sharalary nátıjesinde jalpy aýmaǵy 30 myń gektarǵa jýyq jer ýchaskeleri memleket menshigine qaıtaryldy. Olardyń kadastrlyq quny 44 mln teńge.
Qaratal aýdanynyń prokýratýrasymen jer zańnamasynyń saqtalýyna júrgizilgen taldaý nátıjesinde buǵan deıin jer paıdalanýshylaryna berilgen jer ýchaskelerin uzaq ýaqyt tıisti maqsatta paıdalanylmaǵany jáne osyǵan baılanysty jer zańnamasynyń talaptary buzylǵany anyqtaldy.
Ýákiletti organǵa engizilgen qadaǵalaý aktisin qaraý qorytyndysy boıynsha paıdalanylmaı jatqan jer ýchaskeleri memleket menshigine qaıtaryldy.
Paıdalanylmaı jatqan jerlerdi memleket menshigine qaıtarý olardy sharýashylyq aınalymǵa tartýǵa jáne zańnama talaptaryna sáıkes azamattar men kásipkerlerge odan ári berý úshin jaǵdaı jasaýǵa múmkindik beredi.
Aıta ketelik Qostanaı oblysynda quny 112 mln teńgeden asatyn jer memleketke qaıtarylǵan edi.
