Jetisý oblysynda 3 jasar bala úsh kúnnen beri tabylmaı jatyr
TALDYQORǴAN. KAZINFORM — 7 qyrkúıek kúni kúndizgi 10:00 shamasynda úıden shyǵyp ketken bala tórtinshi kún áli tabylmady.
Kóksý beketiniń turǵyndary men barlyq qurylym ókilderi, eriktiler jabylyp izdestirýde. Sońǵy ret ózen boıyndaǵy kópirden ótip bara jatqanyn kórgender bar eken.
«Balalardy dalaǵa shyǵaryp ózim as úıde tamaq jasap júrgenmin. Balam aýlada oınap otyrǵan. Arada 15 mınýttaı ǵana ýaqyt ótken shyǵar, syrtqa shyqsam Aldııar joq. Sol kúnnen bastap, mine, qazirge deıin izdestirip jatyrmyz», -deıdi balanyń anasy Aınur Bekjanova.
Aldııar — toǵyz balanyń jetinshisi. Tomaǵa-tuıyq. Ádeti — bas barmaǵyn únemi aýzyna salyp júredi.
Boıy 60-65 sm. Shashy ashyq qońyr. Dene bitimi ortasha. Úıden shyǵyp ketkende ústine sur jempir, qara shalbar kıgen. Aıaq kıimi aq tústi.
Kórgen-bilgender bolsa 102 nemese 87472712124 nómirine habarlasýlaryńyzdy suraıdy.
