Jetisý oblysynda 160-qa jýyq jumysshynyń eńbek quqyǵy qorǵaldy

TALDYQORǴAN. KAZINFORM – Jumysshy mamandyqtar jyly aıasynda eńbek quqyqtaryn qorǵaý baǵytynda júrgizilgen tekserýler nátıjesinde Jetisý oblysynyń Qaratal aýdanynda júzdegen azamattyń quqyqtary qalpyna keltirildi.

qaratal aýdandyq prokýratýrasy júrgizgen taldaý nátıjesinde sońǵy eki jylda 90-nan astam jumysshynyń jyl saıynǵy skrınıngtik medıtsınalyq tekserýden ótpegeni anyqtalǵan. Jumys berýshiler qyzmetkerlerine zańda kózdelgen áleýmettik demalysty bermegen.

- Sondaı-aq, 70 qyzmetkerdiń eńbek qyzmeti kezinde jazataıym oqıǵalardan saqtandyrý sharty bolmaǵan. Bul – jumys berýshiniń zańmen bekitilgen mindettemesin buzýy bolyp tabylady, - delingen aqparatta.

Aýdandyq prokýratýranyń qadaǵalaý aktisi negizinde azamattardyń eńbek quqyqtary qalpyna keltirilip, úsh jumys berýshi ákimshilik jaýapkershilikke tartyldy.

Aıta keteıik, eńbek qaýipsizdigi men qyzmetkerlerdiń áleýmettik qorǵalýy – qadaǵalaý organdarynyń basty nazaryndaǵy másele bolyp otyr.

Eske salaıyq, endi eńbek shartyn onlaın rásimdeýge bolady.