Jetisý oblysynda 1,5 mlrd teńgelik altyn quramdy kendi zańsyz áketý áreketi toqtatyldy
ASTANA. KAZINFORM- Qarjylyq monıtorıng agenttiginiń Jetisý oblysy boıynsha departamenti jalpy quny 1,5 mlrd teńge bolatyn 2,6 myń tonna altyn quramdy kendi elden zańsyz alyp shyǵý áreketin toqtatty, dep habarlaıdy agenttiktiń baspasóz qyzmeti.
Shıkizatty shetelge shyǵarý úshin keden qujattarynda júk «mys keni men kontsentrattary» dep kórsetilip, onyń naqty quramy jasyrylǵan.
Keıingi tergeý jáne jedel-izdestirý sharalary barysynda Shyǵys Qazaqstan jáne Almaty oblystaryndaǵy qoımalardan iri konteınerlerge salynǵan 1 000 tonnadan astam shıkizat tabyldy.
Tergeý barysynda zańsyz áreketterdi uıymdastyrýǵa qatysy bar «RedGold Mining» JShS eksporttaýshy kompanııasynyń dırektory men ózge de tulǵalar anyqtaldy.
-Eki kúdikti qamaýǵa alyndy. Sottyń ruqsatymen seriktestiktiń aqshalaı qarajatyna tyıym salyndy. QR Qylmystyq-protsestik kodeksiniń 201-babyna sáıkes ózge málimetter jarııa etilmeıdi,-delingen habarlamada.
Aıta keteıik, Qazaqstan altyn óndirýden álemdegi úzdik 15 eldiń qataryna kiredi.
