Jetisý oblysynda 11 myńǵa jýyq adam qyzylshaǵa qarsy vaktsına aldy

Jyl basynan beri 556 jaǵdaı tirkelse, 381 naýqastyń ómirine dárigerler arasha túsken, dep habarlaıdy Kazinform.

«Qyzylsha juqtyrǵandardyń 83,2 paıyzyn buryn vaktsına almaǵandar quraıdy. Qazir óńirde ınfektsııanyń taralýyn boldyrmaý úshin qajetti sharalar júrgizilip jatyr. Ulttyq profılaktıkalyq egý kúntizbesine sáıkes balalarǵa qyzylshaǵa qarsy josparly egý 12-15 aılyǵynda jáne qaıta egý 6 jasta júrgiziledi. Al epıdemııalyq jaǵdaıǵa baılanysty qosymsha jappaı ımmýndaý 6 aıdan asqan, 2 jáne 5 jasqa deıingi balalar men buryn ekpe almaǵan 18 jasqa deıingi turǵyndar arasynda bastaldy»,- deıdi Jetisý oblysynyń sanıtarııalyq-epıdemıologııalyq baqylaý departamentiniń basshysy Ashat Charapıev.

Búginge deıin Jetisý oblysynda 11 myńǵa jýyq adam qyzylshaǵa qarsy qosymsha vaktsına alǵan. Onyń ishinde 6-10 aıdaǵy 2 118 jáne 2-4 jastaǵy 5 799 bala bar.

Sondaı-aq 2 577 medıtsına qyzmetkeri men ekpe alýdy ótkizip alǵan 18 jasqa deıingi 205 turǵynǵa vaktsına salyndy.