Jetisý oblysynda 100-den asa veterınar jaýapqa tartyldy
JETІSÝ. KAZINFORM — Jetisý oblysynda veterınarııa salasynda zańnamany buzǵan 100-den astam laýazymdy tulǵa jazalandy – dep habarlaıdy Jetisý oblysynyń prokýratýrasy.
Jetisý oblysynyń tabıǵatty qorǵaý prokýrorlary veterınarııa týraly zańnamany saqtaý salasyndaǵy ýákiletti organdardyń qyzmetinde óreskel buzýshylyqtardy anyqtady.
«Oblys boıynsha veterınarııanyń laýazymdy tulǵalary janýarlardy vaktsınatsııalaý kezinde 33 myń zań buzýshylyqqa, sondaı-aq jeke jáne zańdy tulǵalardy ákimshilik jaýapkershilikten bosatýdyń 526 faktisine jol bergen» - dep jazady Jetisý oblysynyń prokýratýrasynyń baspasóz qyzmeti.
Oblys aýmaǵynda «Sibir jarasy» oshaqtarynyń ıesiz 33 jerlengen jeri anyqtaldy, onda olardy oqshaýlaý jáne sáıkestendirý sharalary júrgizilmegen.
Veterınarııalyq mekemelerde qyzmetkerlerdiń jalǵan dıplom paıdalanǵany týraly 4 faktisi anyqtaldy, taǵy 124 qyzmetker bilimi men tájirıbesi boıynsha atqaratyn qyzmetterine sáıkes kelmegen.
Barlyq anyqtalǵan buzýshylyqtar boıynsha 100-den astam laýazymdy tulǵa ártúrli tártiptik jaýapkershilikke tartyldy, onyń ishinde aýmaqtyń 3 ınspektsııa basshysy memlekettik qyzmettiń bedelin túsiretin teris qylyq úshin jaýapqa tartyldy.
Memleket kirisine 3 mln teńgeden astam qarjy óteldi.
Jetisý oblysynyń prokýratýrasy
