Jetisý oblysynda 1 mln teńgeden astam aıyppuly bar júrgizýshi ustaldy
ASTANA. KAZINFORM – Jetisý oblysynda polıtseıler jol qozǵalysy erejesin júıeli túrde buzyp kelgen Taldyqorǵannyń 30 jastaǵy turǵynyn anyqtady.
«Qorǵaý» júıesiniń deregine sáıkes, 2025 jyldyń qańtarynan beri Almaty qalasynda, sondaı-aq Almaty jáne Jetisý oblystarynyń aýmaqtarynda avtomatty kameralar bul júrgizýshiniń jol erejesin buzǵan 33 faktisin tirkegen. Ol jyldamdyqty birneshe ret asyrǵan, tyıym salynǵan oryndarǵa kólik qoıǵan, baǵdarshamnyń qyzyl jaryǵyna ótken jáne jol belgilerin elemegen.
Júrgizýshige salynǵan ákimshilik aıyppuldardyń jalpy somasy 1 mln 57 myń teńgeden asty.
Ákimshilik zańnamanyń oryndalýyn qamtamasyz etý maqsatynda quqyq buzýshynyń kóligi bereshegi tolyq ótelgenge deıin arnaıy aıypturaqqa qoıyldy.
Jetisý oblysynyń polıtsııasy aıyppuldardy óndirý jáne qaıtalanǵan quqyqbuzýshylyqtardyń aldyn alý jumystary qarqyndy jalǵasyp jatqanyn atap ótti.
Quqyq qorǵaý organdary jol qozǵalysy erejelerin saqtaý barlyq jol qozǵalysy qatysýshylarynyń qaýipsizdigin qamtamasyz etýdiń negizgi sharty ekenin eske salady.
Buǵan deıin Pavlodarda kólik qaýipsizdigi talaptaryn saqtamaǵan zerthanaǵa aıyppul salynǵany habarlanǵan bolatyn.