Jetisý oblysynda 1 myńnan astam zańdastyrylmaǵan kólik júr

Elimizde bıylǵy qańtar men qyrkúıek aıynda aralyǵynda sheteldik avtokólikterdi zańdastyrý júrgizilgeni belgili. Osy kezeńde Jetisý oblysy aýmaǵynda E-gov portaly arqyly 3179 ótinish túsken. Alaıda óńirde áli de sheteldik qujatpen júrgen 1 myńnan astam avtokólik bar, dep habarlaıdy Kazinform.

Oblystaǵy elektrondyq ótinimder boıynsha ruqsat berilgen 2 myńǵa jýyq kólik agregattyq tekserý jáne salystyrýdan ótip, onyń ishinde 1974 avtomobıl tirkelgen.

«Óńir joldarynda júrgen shet eldik kólik quralynyń ishinde 427 avto ýaqytsha tirkeýde. Málimet boıynsha Armenııa – 46, Reseı – 423, Qyrǵyzstan – 507, Belarýs – 1, Grýzııa – 1, Koreıa - 1, Dýbaı – 3, Mońǵolııa – 1, Amerıka – 1, sondaı-aq, paıdalaný quqyǵyna berilgen sary nómiri bar 37 avtokólik tirkeýge qoıyldy. Sonymen qatar osy jyldyń mamyr aıynan bastap 486-ǵa jýyq avtokonstrýktor kólikterin zańdastyrý da júzege asýda», - deıdi Jetisý oblysy Polıtsııa departamenti basshysynyń birinshi orynbasary Jasulan Baıkenov.