Jetisý oblysy: Úsharal-Dostyq tas joly jabyldy
TALDYQORǴAN. KAZINFORM - Aýa raıynyń qolaısyzdyǵyna baılanysty Alakól aýdanynda kóliktiń barlyq túrine shekteý qoıyldy.
«QazAvtaJol» Jetisý oblysy boıynsha kólik qozǵalysyn shekteý qoıý týraly shuǵyl aqparat taratty.
- 2024 jyly 11 jeltoqsan saǵat 23:30-da Jetisý oblysy boıynsha aýa raıynyń buzylýyna baılanysty «Úsharal-Dostyq» avtojolynyń 84-164 shaqyrym aralyǵynda (Kóktýma stansasynan Dostyq aýylyna deıin) kóliktiń barlyq túriniń qoǵalysyna shekteý qoıylady - delingen habarlamada.
Jetisý oblysy jol polıtsııa qyzmetkerleri kólik júrgizýshilerine jolda saq bolyp, qaýipsizdik sharalaryn saqtaýdy eskertedi.
Eske salaıyq osyǵan deıin Jetisý oblysynda kólik urlap, izin sýytqan 33 jastaǵy er adam ustalǵanyn jáne Ortalyq Azııadaǵy eń bıik sarqyramaǵa aparatyn joldyń jóndelgenin jazǵanbyz.