Jetisý oblysy: Prokýratýra 1,7 mlrd teńgeni talan-tarajǵa salýdyń aldyn aldy

Jetisý oblysynyń prokýratýrasy Sarqan aýdanynda sapasyz qurylys pen josyqsyz jóndeý jumysyn júrgizýge jol bergen tulǵalardy anyqtady, dep habarlaıdy Kazinform.

Kezekti tekserý kezinde Sarqan qalasyndaǵy 60 páterli 2 turǵyn úıdi salýǵa kirisken kompanııanyń qurylys jumysyna sapasy tómen ári sertıfıkattalmaǵan materıaldar qoldanǵany anyqtaldy. Osylaısha prokýrorlar úı salýǵa bólingen 1 mlrd 730 mln teńge bıýdjet qarajatyn talan-tarajǵa salýǵa jol bermedi.

Sondaı-aq kompanııa memlekettik arhıtektýralyq baqylaý qyzmetine qurylystyń bastalǵandyǵy týraly habarlama da joldamaǵan bolyp shyqty. ıAǵnı, qurylys arnaıy ruhsatsyz júzege asyrylǵan.

Prokýratýranyń aralasýynan keıin zań buzý faktisi joıylyp, zańsyzdyqqa jol bergen 9 laýazymdy tulǵa jaýapqa tartyldy.

Munan bólek aýdan boıynsha taǵy da osyǵan uqsas birneshe zań buzý deregi ashyldy. Máselen, Sarqan qalasynyń ortalyq alańyn qalpyna keltirý kezinde jáne Almaly aýylynyń mádenıet úıine júrgizilgen kúrdeli jóndeý jumystarynyń barysynda da óreskel qatelik oryn alǵan eken.

Prokýratýra tarapynan engizilgen qadaǵalaý aktisi boıynsha zań buzýshylyq tolyǵymen joıyldy.