Jetisý oblysy Polıtsııa departamenti bastyǵynyń birinshi orynbasary taǵaıyndaldy
ASTANA.KAZINFORM — Dáýren Sákenov Jetisý oblysy Polıtsııa departamenti bastyǵynyń birinshi orynbasary bolyp taǵaıyndaldy. Bul týraly óńirdegi tilshi jazdy.
Dáýren Sákenov ishki ister organdaryndaǵy qyzmetin 2007 jyly bastaǵan. Eńbek jolyn Aqsý aýdanynda jedel ýákil qyzmetinen bastaǵan ol osy jyldar ishinde jedel qyzmettiń túrli laýazymdarynda eńbek etip, kásibı turǵyda ósti.
Jańa basshynyń aýyr jáne asa aýyr qylmystyq quqyq buzýshylyqtardy ashýǵa baǵyttalǵan jedel-izdestirý jumystary boıynsha mol tájirıbesi bar. Kásibıligi, prıntsıpshildigi men praktıkalyq tájirıbesi onyń bilikti basshy ári jedel qyzmettiń tájirıbeli mamany retinde qalyptasýyna múmkindik berdi.
Jetisý oblysy Polıtsııa departamenti bastyǵynyń birinshi orynbasary qyzmetinde Dáýren Sákenov qoǵamdyq tártipti nyǵaıtý, polıtsııa bólimsheleriniń jumys tıimdiligin arttyrý jáne óńir turǵyndarynyń qaýipsizdigin qamtamasyz etý baǵytyndaǵy jumystardy jalǵastyrady.
Buǵan deıin Erbol Salıhbaevtyń Sý resýrstary jáne ırrıgatsııa mınıstrliginiń Sý únemdeý tehnologııalaryn damytý departamentiniń dırektory bolyp taǵaıyndalǵany habarlanǵan bolatyn.
