Jetisý oblysy din isteri basqarmasyna jańa basshy keldi

TALDYQORǴAN. KAZINFORM - Jetisý oblysy ákiminiń ókimimen Jańabaı Saǵynysh Asqaruly oblystyq din isteri basqarmasynyń basshysy bolyp taǵaıyndaldy.

Jańabaı Saǵynysh Asqaruly 1994 jyly týǵan. Joǵary bilimdi. 

Ál-Farabı atyndaǵy Qazaq ulttyq ýnıversıtetin dintaný, Shymkent ýnıversıtetin quqyq mamandyqtary boıynsha bitirgen. 

Eńbek jolyn Almaty qalasynda «Consig Liere» JShS-niń menedjeri bolyp bastady. Ár jyldarda «Almaty oblysynyń din isteri basqarmasy» MM «Din salasyndaǵy máselelerdi zertteý ortalyǵy» KMM-nyń ınspektory, dintanýshysy, túrli bólimderiniń bastyǵy, dırektorynyń orynbasary, dırektory laýazymdaryn atqardy. 

2023 jyldyń qazanynan Jetisý oblysy Taldyqorǵan qalasynyń jumyspen qamtýdy úılestirý men áleýmettik baǵdarlamalar bóliminiń basshysy boldy.