Jetisý oblysy: Aqsý aýdanynda kólik qozǵalysyna shekteý qoıyldy

TALDYQORǴAN. KAZINFORM -  Jetisýda aýa raıynyń qolaısyzdyǵyna baılanysty Aqsý aýdanyndaǵy birneshe aýyldy jalǵap jatqan avtomobıl joldary ýaqytsha jabyldy.

Jetisý oblystyq Jolaýshylar kóligi jáne avtomobıl joldary basqarmasynyń málimeti boıynsha 8 qańtar saǵat 18:45-ten bastap aýa raıynyń nasharlaýyna (boran, kórý múmkindiginiń shektelýine) baılanysty kóliktiń barlyq túri úshin qozǵalys shekteldi.

- Oblystyq mańyzy bar «Qapal-Arasan» avtojoly (0-77 shaqyrymy) Qońyr, Kóktóbe jáne Aqyn Sara aýyldaryna kireberis joldar jabyldy. Shekteý barlyq kólik túrine qatysty, - delingen habarlamada.

Jolǵa jaýapty mamandar kólik júrgizýshilerine jolda saq bolýǵa, kún raıynyń buzylyp, nasharlaǵan ýaqytynda saparǵa shyqpaýdy eskertedi.

Eske salaıyq, osyǵan deıin Jetisý oblysynda Altyn Emel asýynyń joly jabylǵanyn jáne aýa raıynyń buzylýyna baılanysty Jambyl oblysynda jol jabylǵanyn jazǵanbyz.