Jetisý oblysy: 7 jyl halyqaralyq izdeýde júrgen ýchaskelik polıtsııa sottaldy

TALDYQORǴAN.KAZINFORM - Jetisý oblysynyń arnaıy prokýrorlary Tekeli qalasynyń ýchaskelik polıtsııa ınspektoryna qatysty isti aıaqtady. Polıtsııa qyzmetkeri 5 jyl 6 aıǵa sottaldy.

Jetisý oblystyq prokýratýrasy taratqan málimetke súıensek, 2017 jyldyń naýryz aıynda laýazymdy tulǵa bir top adamdarmen 24 mıllıon teńge kólemindegi urlyqqa qatysty qylmystyq is aıasyndaǵy zattaı dáleldemelerdi urlaǵan.

Qylmys jasaǵannan keıin polıtsııa qyzmetkeri 7 jyl boıy halyqaralyq izdeýde bolǵan. Al onyń sybaılastary ártúrli merzimge bas bostandyǵynan aıyryldy.

- Sot polıtsııa qyzmetkerin QR QK-niń 362-babyna sáıkes (bılikti nemese laýazymdyq ókilettikterin asyra paıdalaný) kináli dep taýyp, 5 jyl 6 aıǵa bas bostandyǵynan aıyrdy, - delingen habarlamada.

Eske salaıyq osyǵan deıin Taldyqorǵandaǵy zańsyz kelisim: domofon qyzmetindegi tarıftik qıturqylyq týraly jazǵanbyz.